Til eru þrjár mismunandi súrefnismeðferðir til að nota í heimahúsum.
- Fljótandi súrefni
- Súrefni í hylkjum
- Súrefnissía
Leiðbeiningar
- Notaðu ætíð súrefni samkvæmt fyrirmælum læknisins. Ekki prófa þig áfram á eigin spýtur
- Þrýstijafnarinn á hylkjum leiðir til þess að þrýstingurinn minnkar í hylkjunum. Það þýðir að súrefnið sem sjúklingurinn andar að sér er ekki undir miklum þrýstingi.
- Þegar notaður er raki skal gæta þess að rakadósin sé hrein.
Örugg notkun
- Þú skalt alltaf lesa leiðbeiningarnar áður en þú notar eða flytur tækið.
- Ef þú ert að nota fljótandi súrefefni þá má ekki snerta frosnu hlutana á HemLox-tækinu. Fljótandi súrefni er mjög kalt (-183°C) og getur valdið kuli ef það kemst í beina snertingu við húð.
- Hafðu samband við heilbrigðisstarfsfólk ef þig grunar að tækið virki ekki. Ekki reyna að laga tækið á eigin spýtur.
- Slökktu á tækinu þegar það er ekki í notkun.
- Mikilvægt er að ganga vel um búnaðinn. Kviknað getur í fitu og olíu þegar þessi efni komast í samband við súrefni sem er undir miklum þrýstingi. Sjáðu því til þess að lokar og tengi séu laus við slík efni og gættu þess að fita komist ekki inn í lokann þegar þú tengir þrýstijafnarann við tækið. Þó er í lagi að nota húðáburð eða varasalva á meðan á súrefnismeðferð stendur.
Að ferðast með súrefni
- Ef þú ert ekki viss hvort þú þarft súrefni á meðan á flugi stendur skaltu hafa samband við lækni.
- Fæst flugfélög leyfa að þú takir tæki fyrir súrefnisgjöf um borð. Hafðu því samband við flugfélagið fyrir brottför.
Brunahætta
- Í sjálfu sér fylgir súrefni engin aukin brunahætta, en hærra súrefnishlutfall í andrúmslofti getur hraðað brunaferlinu og leitt til þess að það kvikni í hlutum sem annars ættu að vera öruggir.
- Leggðu aldrei súrefnisgrímu eða súrefnisgleraugu beint á/í vefnaðarvörur (föt, rúmföt) á meðan tækið er í notkun. Súrefnið sem streymir út getur „mettað“ efnið og gert það að verkum að brunahættan verði meiri.
- Ef þig grunar að vefnaðarvara sé „mettuð af súrefni“ er mikilvægt að hrista hana og viðra vel. Ekki nægir að viðra efnið aðeins lítillega.
- Bannað er að reykja og vera með opinn eld (eins og kerti, kamínu og arin) nálægt súrefnistækjum.
- Ekki nota rafmagnstæki eins og hárþurrkur eða brauðristar á meðan á súrefnismeðferð stendur.
- Ef eldur kviknar skal slökkva á tækinu.